****छत्तीसगढ़ के भुइयां के महिमा अपार हवय**
===============================
छत्तीसगढ़िया हवव
छत्तीसगढ़ के भुईयां ला
भगवन बरोबर मानथव 
आगू अपन माथा ला नवाथव
माटी के तिलक लगाथों
छत्तीसगढ़ के भुईयां माँ
माता महामाया -
माता बम्लेश्वरी
माता दंतेश्वरी
अपन घर बनाये हवय
छतीसग़ढ़िया मन पर
बड़ एहसान करे हे
दर्शन कर देवी मन के
अपन भाग्य ला सहराथन
अउ सुबह -बिहनिया
एखर गुन ला गाथव

छत्तीसगढ़ के भुइयां के
महिमा अपार हे
इमा नागर चला के
बोनी -बियासी ला करके
हरियाली लहिराके
एखर श्रृंगार करथव
आशीर्वाद से एखर अउ
आशीर्वाद से देवीमन के
अन्न उपजाथोँ
लेकामन मन ल
पढेवर स्कूल भिजवाथव
बेटी के हाथ पीले करवाथव
ओकर मन के जीवन माँ
नवा बिहनिया
नवा अंजोर लाथव
छत्तीसगढ़ के भुइयां के
महिमा अपार हे
देवीमंन के
महिमा अपार हे
आशीर्वाद से इ मन के
तीजा -पोला अउ
दशहरा -दिवाली
त्यौहार मनाथव
छत्तीसगढ़ के वासी हवव
एखर भुइयां के गुन गाथोव
अपन माथा ला नवाथों

------------रमाकांत बड़ारया "बेताब" दुर्ग
=============================